Die Houkappertak van SA Jagters is amptelik op 4 Maart 2014 gestig. Die tak het tans bykans 600 lede. Gereelde tak aande en ander ledevergaderings word in die klubhuis by die skietbaan gehou, asook tak skietdae op ons se eie baan, die Koos Kruger skietbaan.

Die tak is familie georiënteerd en ons probeer sovêr moontlik die hele gesin betrokke kry. Daar word gepoog om 2 Skietkompetisies en 6 ander skietdae per jaar te hou. Toegewyde Jagters en Sportkursusse word ten minste 2 maal per jaar aangebied. Junior opleiding en junior skietdae word 4 keer per jaar gereël.

Ons het ook 'n ook groot groep haelgeweer entoesiaste en ons hou jaarliks ‘n Haelgeweer Nag skiet wat al hoe meer gewild raak.

Die tak kommunikeer hoofsaaklik per e-pos en in noodgevalle per sms met lede. Daar is ‘n informele Whattsapp groep gestig vir die meer aktiewe lede.

Die tak se hoof fokus is tans nog op die verdere ontwikkeling van ons Skietbaan. Ons ondersteun ook lede met inligting oor die plasing van uil hokke in die omgewing.